Daryeelka gobolka Stockholm

1177 hagaha daryeelka

(1177 Vårdguiden)

1177 Hagaha daryeelku wuxuu bixiyaa macluumaad iyo talo ku saabsan jirrooyinka iyo halka loo aadayo daryeelka. Halkaas waxaad ka heli kartaa caawimo labadaba bogga internetka iyo adiga oo wacaya iyaga, saacad kasta iyo iyada oo aan loo eegin meesha aad joogto Iswiidhan. Telefoonku waa 1177 ciwaankiisuna waa 1177.se. Waxaa jira kalkaaliyayaal ka jawaabaya su’aalahaaga. Qof kasta oo ka shaqeeya daryeelka caafimaadka Iswiidhan waxaa saaran waajib sir qarin.

Gobolka Stockholm

(Region Stockholm)

Gobolka Stockholm (oo hore u ahaan jiray maamulka gobolka Stockholm) ayaa mas’uul ka ah in dadka ku nool gobolka Stockholm ay helaan daryeelka caafimaadka iyo daryeelka ilkaha ee ay u baahan yihiin. Caawimada waxay ka kooban tahay, waxyaabo kale, talobixin xagga telefoonka ah, daryeelka degdegga ah, dhalmada iyo daryeelka ilkaha. Gobolku wuxuu kaloo ka shaqeeyaa hagaajinta caafimaadka dadka isagoo yareynaya cayilka, sigaarka iyo khamriga iyo daroogada.

Xaqa aad u leedahay inaad doorato daryeel bixiye

(Rätt att välja vårdgivare)

Bukaanada gobolka Stockholm waxay xaq u leeyihiin inay doortaan rugta ay rabaan. Tusaale ahaan, waxaad dooran kartaa inaad aado xarun caafimaad oo ku taal degmo kale sababtoo ah waxay haystaan waqtiyo sugitaan oo gaaban. Waxaad u baahan tahay inaad si firfircoon u doorato xaruntaada caafimaadka, tusaale ahaan adigoo u maraaya abka Had iyo jeer furan. Xaquuqda doorashada waxay sidoo kale khusaysaa daryeel bixiyeyaal kale oo badan, sida daryeelka caafimaadka hooyada iyo xarumaha daryeelka carruurta.

Xarunta daawaynta ee Stockholm

(Behandlingscenter i Stockholm)

Magaalada Stockholm waxaa ku taalo xarun lagu daweeyo dhaawacyada dagaalka iyo jirdilka oo ay maamusho Laanqeyrta Cas. Waxay caawiyaan dadka la ildaran dhaawacyada dagaalka, jirdilka iyo waayo-aragnimada adag ee qaxootiga. Dadka degan gobolka Stockholm oo dhan waxay caawinaad ka heli karaan xarunta, taasoo ku taal bartamaha Stockholm. Daawaynta waa lacag la’aan.

Adeegyada turjubaanka ee gobolka Stockholm

(Tolktjänster i Stockholms län)

Qof kastaa wuxuu xaq u leeyahay inuu helo macluumaad la fahmi karo. Dadka aan ku hadlin luqadda iswiidhishka waxay xaq u leeyihiin turjubaan marka ay booqanayaan daryeelka caafimaadka, daryeelka ilkaha ama xiriirka degmooyinka iyo maamulka. Waa lacag la’aan turjubaankana wuxuu saaran waajibka qarinta sirta.

Xarunta dhaqamada kala duwan

(Transkulturellt centrum)

Xarunta dhaqamada kala duwan waxay ku taal gobolka Stockholm. Waa xarun aqooneed oo u shaqeysa magaca gobolka Stockholm. Xaruntu waxay diiradda saartaa shirarka dhaqameed ee gudaha daryeelka caafimaadka ee gobolka, waxayna bixisaa, iyo waxyaabo kale, tababaro shaqaalaha daryeelka caafimaadka.

Boggooda internetka waxaa ku yaal muuqaallo ku saabsan caafimaadka oo ku qoran luqado kala duwan.

Filimada ku saabsan caadooyinka caafimaadka qaba